Abissnet Superiore: Dinamo përmbys Elbasanin

Dinamo ka mposhtur me përmbysje 2-1 Elbasanin, në sfidën që mbylli javën e tretë të kampionatit Abissnet Superiore në RTSH.

Verdheblutë kaluan të parët në avantazh me golin e shënuar nga Nikaj, por “blutë” përmbysën gjithçka. Berisha barazon shifrat në pjesën e parë, ndërsa Lorenco Vila shënon golin e fitores në pjesën e dytë.

Me këtë sukses Dinamo ngjitet në kuotën e 7 pikëve në klasifikim, ndërsa Elbasani duhet të presë akoma për të provuar shijen e fitores këtë sezon.