Aksident pranë “Lumit të Vlorës”, makina del nga rruga dhe përfundon në kanal

Një aksident rrugor është regjistruar pasditen e kësaj të marte në zonën e Lumit të Vlorës, ku një automjet ka dalë nga rruga dhe ka përfunduar në një kanal anësor.

Sipas informacioneve paraprake, shkak dyshohet të ketë qenë shpejtësia e lartë, çka ka bërë që drejtuesi të humbasë kontrollin e mjetit. Automjeti është përplasur fillimisht me një bordurë betoni dhe më pas ka dalë nga karrexhata.

Si pasojë, drejtuesi i mjetit ka pësuar lëndime të lehta dhe ka marrë ndihmën e parë në vendngjarje, duke shmangur pasoja më të rënda.

Mjeti ka pësuar dëme materiale, ndërsa policia ndodhet në vendngjarje dhe po punon për zbardhjen e rrethanave të aksidentit.