Alarmi fals, çantë e dyshimtë pranë xhamisë së Et’hem Beut

Një çantë e dyshimtë është pikasur sot në qendër të Tiranës. Kalimtarët raportojnë se çanta është parë pranë një koshi mbeturinash, në afërsi të xhamisë së Et’hem Beut.

Forcat e rendit kanë krijuar perimetrin e sigurisë, ndërsa këqyrja e forcave xheniere nxorri si konkluzion se bëhej fjalë për një alarm fals pasi çanta i përkiste një personi që e kishte harruar.

Mësohet se policia është njoftuar nga disa kalimtarë, ndërsa pak metra më tutje pritet të nisë ceremonia për 71-vjetorin e Çlirimit të Tiranës.

javanews.al