Ambasada kineze i kërkon policisë italiane të mbrojnë emigrantët kinezë

Këshilltari i ambasadorit kinez në Itali, Qihan u takua më 1 korrik me Shefin e përgjithshëm të policisë shtetërore italiane për të diskutuar mbi konfliktet mes emigrantëve kinezë dhe forcave italiane të rendit, në zonën industriale të Firences.

Qihan theksoi se emigrantët kinezë në Itali zbatojnë ligjet dhe kontribojnë në zhvillimin e ekonomisë italiane. Kina shpreson që pala italiane të trajtojë siç duhet dhe sipas ligjit këtë konflikt dhe t’i kushtojë vëmendje kërkesave të arsyeshme të emigrantëve kinezë.

Italia pranoi kontributet afatgjata të emigrantëve kinezë në vendin e saj, madje theksoi se inspektimet e policisë vendase nuk i referohen veçanërisht emigrantëve kinezë. Këto janë inspektime rutinë, të parashikuara me ligjit, që garantojnë sigurinë e ndërmarrjeve dhe personave, duke parandaluar aksidentet e mundëshme.

Qihan u shpreh se ambasada kineze do të vazhdojë të inkurajojë emigrantët kinezë të zbatojnë ligjin dhe i kërkon palës italiane t’i përmbahet ligjit duke mbrojtur të drejtat e tyre.