Ambasadori rus në Beograd paralajmëron për ndërhyrje të Perëndimit në zgjedhjet e Serbisë

Ambasadori i Rusisë në Serbi, Aleksandar Bocan-Harčenko, ka paralajmëruar se Perëndimi mund të përpiqet të ndërhyjë në procesin zgjedhor në Serbi, duke theksuar se pas zgjedhjeve “nuk përjashtohen provokime ose përpjekje të reja për një revolucion me ngjyra”.

Deklaratat u bënë në një intervistë për median ruse Sputnik, siç njofton e përditshmja serbe Danas.

Sipas Harčenkos, një nga ankesat kryesore të Perëndimit mbeten marrëdhëniet e ngushta me Rusinë të presidentit Aleksandar Vučić, i cili, pavarësisht presioneve të vazhdueshme nga Bashkimi Evropian, ka refuzuar t’i bashkohet sanksioneve anti-ruse.

Ambasadori tha gjithashtu se Rusia do të dërgojë vëzhgues në zgjedhje, në përputhje me praktikën e vëzhgimit të ndërsjellë përmes OSBE-së, dhe shprehu shpresën se stabiliteti do të ruhet edhe pas votimit.

Zgjedhjet parlamentare në Serbi mbahen më 25 tetor dhe konsiderohen vendimtare për të ardhmen politike të vendit.