Arrestohen dy persona në Beograd teksa tentonin t’i vinin flakën një lokali në Vraçar
Policia serbe i ndaloi në flagrancë teksa tentonin zjarrvënien; dy të dyshuarit, të besuar si pjesëtarë të bandës "Vraçarci", do t'i dorëzohen prokurorit
Policia serbe ka arrestuar dy persona të dyshuar si pjesëtarë të bandës kriminale “Vraçarci”, pasi mëngjesin e së martës tentuan t’i vinin flakën një lokali në lagjen Vraçar të Beogradit. Në pranga përfunduan Z.J., 52 vjeç, nga Kostolaci, dhe A.R., 21 vjeç, nga rrethina e Beogradit.
Sipas Ministrisë së Punëve të Brendshme të Serbisë, policët i ndaluan në flagrancë: në momentin kur, sipas dyshimeve, ata thyen me gur xhamin e derës së lokalit për të hyrë brenda, spërkatën me lëng djegës nga një bidon dhe më pas i vunë flakën brendësisë së objektit.
Të dy personat do të mbahen në ndalim policor dhe do t’i dorëzohen prokurorit kompetent me kallëzim penal për veprat “shkaktim i rrezikut të përgjithshëm” dhe “prodhim e prokurim i mjeteve për kryerjen e veprës penale”.
Rasti ka ndodhur mëngjesin e sotëm në Vraçar, një nga lagjet qendrore të kryeqytetit serb. Hetimet për zbardhjen e plotë të rrethanave të ngjarjes janë në vazhdim.
Burimi: Danas
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.