Athina futet në karantinë/ Flet kryeministri grek: Të jemi optimistë, në prill do jemi më mirë!

• Vendosjen e orës policore, nga e hëna deri të premte nga ora 21:00 e mbrëmjes, deri ne 05:00 te mëngjesit, kurse e në fundjave ajo do te filloi prej orës 18.00.
• Mbylljen e shkollave dhe kopshteve te te gjitha niveleve.
• Mbylljen e gjithë biznesit te vogël dhe dyqaneve me pakice si dhe qendrave estetike, parukerive, etj.

Gati një vit pas shpërthimit te pandemisë ne Greqi, Mitsotakis ka bërë thirrje për durim dhe respektim te masave gjatë dy muajve te ardhshëm, masa të cilat mund te shtrëngohen apo lirohen sipas te dhënave epidemiologjike, te cilat për momentin kanë arritur ne nivel te rrezikshëm.

“Ne e dimë që nga Prilli do të jemi shumë më mirë. Por tani duhet të parandalojmë rrezikun! Bazuar në të dhënat e reja unë marr përgjegjësinë e masave shtesë për mbrojtjen e shëndetit publik. Kështu, nga pasnesër, e enjte 11 shkurt, deri më 28 shkurt, do të ketë masa shtrënguese të reja në Atikë. Kjo do të thotë që të gjitha dyqanet e shitjes me pakicë janë të mbyllura dhe tani e tutje të gjitha nivelet e arsimit do të funksionojnë nëpërmjet internetit”, shprehet Kyriakos Mitsotakis.

Sipas kryeministrit Mitsotakis, Greqia po i reziston ne mënyre efektive valës së tretë të koronavirusit duke qene e 23 nga 27 vendet anëtare, sa i përket humbjeve te jetëve njerëzore. “Te jemi optimiste”, ka përfunduar ai, “pasi po shkojmë drejt 500.000 vaksinimeve ne te gjithë vendin dhe po punojmë fort për përfundimin e procesit”.

Me 1526 rastet e te prekurve ne 24 orët e fundit Greqia regjistron mbi 166.000 te infektuar prej fillimit te pandemisë. Gjithashtu 6017 persona kane humbur jeten, prej te cileve 20 gjate ditës se marte, ndërsa numri i te intubuarve perseri eshte rritur duke shkuar ne 277.