Balla pas votimit në PE: Faleminderit eurodeputetëve, keqardhje për opozitën

Kryetari i Grupit Parlamentar të Partisë Socialiste, Taulant Balla, ka publikuar në rrjetet sociale dy fotografi nga vizita në Strasburg, duke i cilësuar ato si “dy foto sa 1000 fjalë”. Në foton e parë duket delegacioni shqiptar në prani të eurodeputetëve të PE dhe në foton tjetër duken deputetet e opozitës pa praninë e asnjë eurodeputeti.

Postimi vjen pas votimit në Parlamentin Europian që lidhet me procesin e integrimit të Shqipërisë në Bashkimin Europian.

Në mesazhin e tij, Balla falënderoi eurodeputetët që mbështetën Shqipërinë, ndërsa shprehu kritika ndaj opozitës.

“Faleminderit të gjithë eurodeputetëve që votuan PRO Shqipërisë në Bashkimin Europian. Keqardhje për deputetët shqiptarë që në vend të Shqipërisë në BE, zgjodhën hallin e Saliut”, shkruan Balla në postimin e tij.