Barazoi rekordin e Henry dhe De Bruyne, reagon Fernandes: Krenar, shpresoj që të dielën të jap tjetër assist

Bruno Fernandes ka pranuar se është shumë krenar që barazoi rekordin e asistimeve në një sezon të vetëm në Premier League, pasi shënoi të 20-tin e tij të sezonit në fitoren 3-2 ndaj Nottingham Forest të dielën.

Duke parë shokët e tij të ekipit të humbisnin disa mundësi të mira, Fernandes barazoi rezultatin me Thierry Henry dhe Kevin De Bruyne duke i dhënë Bryan Mbuemo-s një asist për golin e tretë të Manchester United.

“Nuk do të thoja se jam i lehtësuar, por shumë i lumtur, shumë krenar“, tha Fernandes, që më tej komentoi: “Sigurisht, të gjithë e dinë se ishte diçka që, kur fillon t’i afrohesh asaj, fillon të mendosh shumë”

“Një gjë e mirë është se nuk e ndryshoj mënyrën se si luaj, sepse jam aty për t’u shërbyer shokëve të mi të ekipit, për t’i bërë ata të shënojnë gola. Jam shumë i lumtur që e bëra sërish dhe Bryan përfundoi duke shënuar një gol”, shtoi Bruno Fernandes.

“Po flasim për Thierry dhe Kevin, dy nga emrat legjendë të Premier League, dhe për mua jam shumë mirënjohës dhe jam shumë i lumtur që e bëj”, tha portugezi, që zbuloi se ai filloi të ndjekë rekordin vetëm pasi kishte shënuar 19 asiste.

Dhe, me një ndeshje tjetër për të luajtur kundër Brighton të dielën, ai do të kërkojë të bëjë histori të mëtejshme. “Le të shohim. Do të duhet të krijoj gjëra për ekipin tim, dhe shpresojmë se kjo mund të ndodhë“, deklaroi Fernandes.