Berisha: Rama në samitin e NATO, si njeriu i përçmuar

Për kryedemokratin Berisha prej dy muajsh në qarqet ndërkombëtare qarkullojnë lajme që venë në pikëpyetje mbajtjen e samitit të NATOS-s në Tiranë vitin e ardhshëm. Edhe pse nuk pranoi të hyjë në këtë diskutim, Berisha në fjalën e tij çojë vëmendjen tek detajet të samitit që le të kuptohet se informacionet edhe pse jo zyrtare mund të jenë të vërteta, edhe pse sekretari i përgjithshëm i NATO-s dhe kryeministri Rama thanë nga Ankaraja e Turqisë se Shqipëria do të jetë vendi mikpritës i radhës i samitit.

“Në dokumentet e NATO-s kur përfundon një samit informohet samiti tjetër dhe kësaj here nuk ndodhi. Sikundër nuk ndodhi konferenca e veçantë për shtyp”, tha Berisha.

Për Berishën, në mungesë të vlerësimit në samitin e NATOS-s, Rama u përpoq të tërheq vëmendjen përmes performancës, por sipas këndvështrimit të kryedemokratit, Rama dështoi edhe në këtë përpjekje.

“Aty ishte njeriu më i vetmuar, Sharlatani më i damkosur, hokatari më i shpifur, që mendoj se me atletët e bardha do mund të tërhiqte vëmendje dhe tërhoqi vetëm përçmim”, tha ai.

Berisha akuzoi kryeministrin se ka urdhëruar ndalimin e hyrjes në territorin e Shqipërisë së deputetëve të Maqedonisë së Veriut.

“Përbën një përpjekje vulgare për të fajësuar fqinjët dhe të tjerët për protestën rinore qytetare”, tha Berisha.

Gjithashtu kreu demokrat akuzoi shefin e qeverisë për thyerje të Kushtetutës duke vënë në dispozicion fondin e emergjencës për koncertin e pritshëm të këngëtarit amerikan të repit.