BOTËRORI 2026 – Kane: Këto janë ndeshjet për të cilat jeton një futbollist

– Me këto fjalë, kapiteni i Anglisë, Harry Kane përshkroi atmosferën para përballjes së madhe sot me Argjentinën, duke theksuar se skuadra është e motivuar dhe gati për sfidën, sipas “The Times”.

Sulmuesi anglez tha se Anglia e respekton maksimalisht Argjentinën, por nuk ka frikë nga emri i kundërshtarit.

Sipas tij, besimi i krijuar gjatë turneut i jep skuadrës bindjen se mund të përballet me këdo.

“Kemi punuar shumë për të arritur deri këtu dhe tani duam ta shijojmë këtë moment,” u shpreh Kane, duke nënvizuar se përqendrimi dhe qetësia do të jenë vendimtare në një ndeshje të këtij niveli.

Kapiteni anglez vlerësoi karakterin që skuadra ka treguar gjatë kompeticionit, duke thënë se lojtarët kanë mësuar të përballojnë presionin dhe të reagojnë në momentet më të vështira.

Ai shtoi se sfidat ndaj ekipeve të mëdha janë mundësia më e mirë për të treguar nivelin e vërtetë të një skuadre dhe se Anglia dëshiron të bëjë një tjetër hap drejt objektivit të saj.

Kane theksoi se e gjithë skuadra është e vetëdijshme për rëndësinë e ndeshjes me Argjentinën dhe premtoi se Anglia do të japë maksimumin për të siguruar kualifikimin. /Ad.Ab./  a.jor.