Bullgaria nuk do të jetë pjesë e prokurimit të përbashkët të BE-së të municioneve për Ukrainën

“Mbështetja gjithëpërfshirëse e BE-së për Ukrainën duhet të vazhdojë,”tha zëvendësministrja e jashtme e Bullgarisë Velislava Petrova përpara Këshillit të rregullt të Punëve të Jashtme të BE-së në Bruksel. Zëvendësministrja Petrova vuri në dukje gjithashtu mbështetjen e Bullgarisë për perspektivën evropiane të Ukrainës, duke kërkuar reforma dhe përmbushje të kritereve.

“Qeveria e përkohshme e Bullgarisë nuk po përgatit një marrëveshje të re për t’i ofruar Ukrainës ndihmë shtesë ushtarake dhe ushtarako-teknike,” tha Dimitar Stojanov, ministër i Mbrojtjes në kabinetin e përkohshëm të Bullgarisë në Bruksel, ku mori pjesë në një takim që diskutoi dërgimin e 155 mm. predha artilerie në Ukrainë. 

“Bullgaria nuk është pjesë e këtij prokurimi të përbashkët dhe nuk ka mundësi të jetë.Ushtria bullgare nuk ka armë që mund ta përdorin këtë kalibër”, tha ministri Stojanov. Ai shtoi se fabrikat shtetërore Terem nuk prodhojnë municion të këtij kalibri. “Uzinat e makinerisë VMZ Emko dhe Transmobile, këto janë kompani bullgare, private dhe shtetërore që e kanë atë aftësi. Ushtria bullgare furnizon atë që është në gjendje të furnizojë. Jemi nën standardin e stokut, kështu që nuk ka mundësi të ofrohet ndihmë ushtarake shtesë”, tha ministri Stojanov.