FOKUS – Gjenerata Z proteston kundër shtrenjtimit të jetesës dhe detyrimit ushtarak

– Mijëra persona kanë protestuar në mbi 30 qytete të Gjermanisë, në kuadër të nismës “Gen Z regelt”, e cila ka bërë thirrje për mobilizimin e të rinjve kundër rritjes së kostos së jetesës, për më shumë investime në arsim dhe mbrojtjen e klimës, si dhe kundër shërbimit të detyrueshëm ushtarak.

Sipas LaPresse, në protestën e zhvilluar në Lajpcig morën pjesë afro 2 mijë persona, ndërsa në Dresden u regjistruan disa qindra pjesëmarrës.

Demonstrata u organizuan gjithashtu në Berlin, Frankfurt, Hamburg, Mainc dhe Këln, duke përfshirë një numër të madh qytetesh në të gjithë vendin.

Në kryeqytetin Berlin, qindra protestues u mblodhën përpara Portës së Brandenburgut. Për mbarëvajtjen e tubimit, policia kishte përgatitur një plan të përforcuar sigurie, me rreth 1 500 efektivë shtesë, edhe për shkak të përkuarjes së protestave me festimet e natës së Halloween-it.

Lëvizja synon të bëjë më të dëgjueshme kërkesat e brezit të ri për përmirësimin e kushteve ekonomike, rritjen e investimeve në arsim dhe politikat klimatike, si dhe kundërshtimin e detyrimit për shërbimin ushtarak.