🌦️
Tiranë 17°C · Rrebesh i lehtë 18 Nëntor 2026
S&P 500 7,328 ▼0.17%
DOW 50,317 ▼0.87%
NASDAQ 24,394 ▲0.27%
NAFTA 81.52 ▼3.7%
ARI 3,746 ▼3.05%
💱 VALUTAT
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
₿ CRYPTO
BTC $63,238 ▼ -0.84% ETH $1,773 ▼ -0.64% XRP $0.9834 ▲ +2.64% SOL $73.9000 ▲ +2.23%
S&P 500 7,328 ▼0.17 % DOW 50,317 ▼0.87 % NASDAQ 24,394 ▲0.27 % NAFTA 81.52 ▼3.7 % ARI 3,746 ▼3.05 % S&P 500 7,328 ▼0.17 % DOW 50,317 ▼0.87 % NASDAQ 24,394 ▲0.27 % NAFTA 81.52 ▼3.7 % ARI 3,746 ▼3.05 %
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
18 Nën 2026
Breaking
Politika

“Buxheti jep vetëm tendera, prokurime e koncesione”- Tabaku në Kuvend: Familjet dhe bizneset do të paguajnë më shumë!

Në debatin për buxhetin 2027, deputetja e PD-së akuzoi kryeministrin për kapjen e shtetit dhe kundërshtoi masat fiskale që, sipas saj, shtojnë barrën mbi familjet, pensionistët dhe sipërmarrjen.

Deputetja e Partisë Demokratike, Jorida Tabaku, iu përgjigj kryeministrit Edi Rama në Kuvend, duke e akuzuar se ka ngritur dhe mbrojtur një sistem korrupsioni që u shërben interesave të një pakice.

Në debatin për buxhetin dhe paketën fiskale 2027, ajo argumentoi se qeveria shton barrën mbi familjet dhe biznesin, ndërsa orienton fondet drejt tenderave e koncesioneve.

Replika erdhi pasi Rama e përmendi katër herë gjatë fjalës së tij. Tabaku e lidhi përgjegjësinë politike të kryeministrit me akuzat për korrupsion ndaj drejtuesve të lartë të qeverisjes, duke deklaruar se sistemi ku shteti është i kapur “ka një emër: ka Edi Ramën”.

Në analizën e paketës fiskale, deputetja kundërshtoi rritjen e normës standarde të TVSH-së në 21% dhe uljen e pragut për përfshirjen e biznesit të vogël në këtë skemë, nga 10 në 5 milionë lekë. Sipas saj, masat do të sjellin kosto më të larta për sipërmarrjet dhe më pak para në buxhetet familjare, duke prekur edhe profesionistët e lirë e shtresën e mesme.

Për uljen e TVSH-së në 6% për 54 produkte të shportës, Tabaku ngriti shqetësimin se mungesa e konkurrencës mund të pengojë kalimin e përfitimit te konsumatori. Ajo argumentoi se ulja për disa produkte shoqërohet me rritjen e taksimit të mallrave e shërbimeve të tjera.

Tabaku vuri në pikëpyetje edhe konsultimin e paketës me biznesin. Sipas saj, përfaqësuesve të sipërmarrjes fillimisht iu komunikua se nuk do të kishte ndryshime taksash, ndërsa propozimet u dërguan më pas gjatë natës.

“Një buxhet që nuk e di as ministri se kush e ka shkruar”, deklaroi ajo.

Deputetja kërkoi gjithashtu një përgjigje të menjëhershme për prodhuesit dhe eksportuesit që, sipas saj, po humbin vende pune dhe po mbyllin aktivitetin si pasojë e rënies së euros.

Pas ndërhyrjes së kryetarit të grupit parlamentar të PS-së, Taulant Balla, Tabaku e vijoi kritikën ndaj mënyrës së përdorimit të fondeve publike. Ajo argumentoi se madhësia e buxhetit nuk përkthehet në lehtësim të kostos së jetesës për familjet dhe pensionistët.

“Buxheti di të japë vetëm prokurime, tendera dhe koncesione”, tha Tabaku në replikën me Ballën.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.