Cani: Të ardhurat në buxhet ranë nga rritja e prodhimit vendas, jo nga paaftësia e qeverisë

Duke raportuar në Komisionin Parlamentar të Ekonomisë për miratimin e aktit normativ që rishikon me ulje buxhetin e vitit 2015, Ministri i Financave Shkëlqim Cani, tha se arsyet që çuan në shkurtimin e të ardhurave me mbi 16 miliardë lekë lidhen me modelin e ri ekonomik të vendit që po zhvendoset nga importet tek prodhimi vendas dhe jo nga pafatësia e qeverisë për të grumbulluar tatimet dhe taksat.

Cani nënvizoi faktin se, është ndryshimet në buxhet e kanë lënë të paprekur deficitin, teksa sheh si shkaktarë kryesorë për rënien e të ardhurave uljen e çmimeve të naftës në tregun ndërkombëtar dhe uljen e importeve të energjisë elektrike.

Cani ka renditur si faktorë për të ardhurat e dobëta rënien e importeve të ushqimeve dhe rritjen e vlerave të disburësimit të TVSH. Ministri pohoi se, buxheti ka ndryshuar edhe kahun e shpenzimeve, por me synimin për një përdorim m të mirë të tyre.
Ai pohoi se, 8.3 miliardë lekë janë kursyer vetëm nga shërbimi i borxhit për shkak të interesave të ulëta.