Cardi B dhe Offset sërish bashkë? Ja çfarë ndodhi mes tyre

Cardi B dhe Offset kanë lënë mënjanë për pak kohë tensionet mes tyre për të festuar së bashku ditëlindjet e fëmijëve.

Ish-çifti u shfaq në të njëjtën festë ditëlindjeje të organizuar për djalin e tyre, Wave, dhe vajzën Blossom. Wave mbushi 5 vjeç më 4 shtator, ndërsa Blossom feston 2-vjetorin më 7 shtator.

Festa luksoze kishte dy tema të ndryshme: Disney për Blossom dhe Sonic the Hedgehog për Wave. Cardi B publikoi në Instagram disa momente nga festa, ku shfaqej e veshur si Minnie Mouse, me një fustan të kuq me pika të bardha, këpucë të verdha dhe veshë Disney të dekoruar me gurë.

Këngëtarja 33-vjeçare tregoi gjithashtu ushqimet e shumta nga Chipotle dhe bëri shaka me fansat, duke kujtuar një premtim të vjetër se do të vendoste një stendë Chipotle në dasmën e saj nëse do të martohej sërish.

“Thashë se nëse do të martohesha, do të vendosja një stendë Chipotle. Epo, nuk do të martohem së shpejti, por kam plot fëmijë dhe sigurisht që kam një stendë Chipotle”, tha ajo.

Ndërkohë, vajza e madhe e çiftit, Kulture, 8 vjeç, u shfaq duke bërë një “sfilatë” dhe duke pozuar nën ritmet e këngës “Gnarly” të Katseye.

Edhe Offset, 34 vjeç, publikoi momente nga festa, përfshirë një video ku Wave kërcente i lumtur me pambuk sheqeri në dorë.

Megjithatë, Cardi B dhe Offset nuk publikuan asnjë foto apo video ku shfaqeshin së bashku.

Dyshja u martuan në shtator 2017, por marrëdhënia e tyre ka qenë e mbushur me ndarje, pajtime dhe konflikte. Vetë Cardi e ka përshkruar më herët lidhjen si të karakterizuar nga “shumë drama”.

Në vitin 2024, reperja bëri kërkesë për divorc për herë të dytë, pas raportimeve për tradhti nga ana e Offset. Në atë kohë, një burim pranë saj deklaroi se të dy ishin larguar emocionalisht nga njëri-tjetri dhe se kjo kishte ndikuar më shumë se çdo gjë tjetër në vendimin e saj.

Divorci është shoqëruar me tensione të forta. Në qershor 2025, Cardi B e akuzoi publikisht Offset se ishte një baba që nuk përmbushte përgjegjësitë e tij, duke pretenduar se ai e kishte takuar vajzën e tyre Blossom vetëm rreth pesë herë.

Megjithatë, në shtator 2025, Offset deklaroi se dëshironte vetëm paqe për familjen e tyre.

“Thjesht dua paqe për familjen time dhe për ne që të fitojmë. Kemi fëmijë për t’u kujdesur”, u shpreh ai.