☀️
Tiranë 9°C · Kthjellët 22 Nëntor 2026
S&P 500 6,910 ▼3.7%
DOW 48,147 ▼1.93%
NASDAQ 22,618 ▼5.28%
NAFTA 83.41 ▲1.18%
ARI 3,515 ▼4.62%
💱 VALUTAT
EUR/USD 1.0974 EUR/GBP 0.8381 EUR/CHF 0.9222 EUR/ALL 90.1718 EUR/MKD 61.4970 EUR/RSD 117.6374 EUR/TRY 55.5320 EUR/JPY 174.18 EUR/CAD 1.5725 EUR/USD 1.0974 EUR/GBP 0.8381 EUR/CHF 0.9222 EUR/ALL 90.1718 EUR/MKD 61.4970 EUR/RSD 117.6374 EUR/TRY 55.5320 EUR/JPY 174.18 EUR/CAD 1.5725
₿ CRYPTO
BTC $59,710 ▲ +1.75% ETH $1,674 ▲ +3.35% XRP $0.9248 ▲ +2.28% SOL $69.7700 ▲ +1.72%
S&P 500 6,910 ▼3.7 % DOW 48,147 ▼1.93 % NASDAQ 22,618 ▼5.28 % NAFTA 83.41 ▲1.18 % ARI 3,515 ▼4.62 % S&P 500 6,910 ▼3.7 % DOW 48,147 ▼1.93 % NASDAQ 22,618 ▼5.28 % NAFTA 83.41 ▲1.18 % ARI 3,515 ▼4.62 %
EUR/USD 1.0974 EUR/GBP 0.8381 EUR/CHF 0.9222 EUR/ALL 90.1718 EUR/MKD 61.4970 EUR/RSD 117.6374 EUR/TRY 55.5320 EUR/JPY 174.18 EUR/CAD 1.5725 EUR/USD 1.0974 EUR/GBP 0.8381 EUR/CHF 0.9222 EUR/ALL 90.1718 EUR/MKD 61.4970 EUR/RSD 117.6374 EUR/TRY 55.5320 EUR/JPY 174.18 EUR/CAD 1.5725
22 Nën 2026
Breaking
Kosova

Çitaku ngre shqetësimin për interpretimin e luftës së UÇK-së nga Gjykata Speciale

Sekretarja e Përgjithshme e PDK-së, Vlora Çitaku, ka reaguar lidhur me zhvillimet në rastin e ish-krerëve të UÇK-së që u dënuan nga Dhomat e Specializuara të Kosovës në Hagë.

Përmes një postimi, Çitaku ka thënë se një paragraf i caktuar në arsyetimin e çështjes duhet të lexohet me “shumë vëmendje”, pasi, sipas saj, ai ngre pyetje për mënyrën se si mund të interpretohet lufta e UÇK-së dhe lufta për pavarësinë e Kosovës.

“Pastaj më thoni se këtu nuk po gjykohet vetë qëllimi i luftës së UÇK-së”, ka shkruar Çitaku.

Ajo ka paralajmëruar se interpretimet e tilla mund të krijojnë precedent për mënyrën se si do të shkruhet dhe interpretohet lufta e Kosovës në të ardhmen.

Çitaku ka theksuar se debati nuk duhet të kufizohet vetëm te katër ish-krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi.

“Mos lejoni që mosdurimi ndaj katër emrave t’ju verbojë. Sepse çështja këtu shkon përtej Hashim Thaçit, Kadri Veselit, Jakup Krasniqit dhe Rexhep Selimit”, ka shkruar ajo.

Sipas Çitakut, nëse lufta kundër atyre që kundërshtonin pavarësinë e Kosovës trajtohet si pjesë e një “ndërmarrjeje kriminale”, atëherë çështja shkon përtej përgjegjësisë individuale dhe prek mënyrën se si cilësohet lufta për pavarësinë e Kosovës.

“Dhe kjo është shumë më e madhe se katër emra. Lexojeni. Ftohtë. Pa simpati politike. Pa antipati politike. Pastaj flasim për pasojat”, ka përfunduar Çitaku. /Telegrafi/

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.