Dalin pamjet pak para aksidentit, shpejtësia me të cilën po lëvizte automjeti i drejtuar nga Radaçi

Këto janë momentet pak para përplasjes tragjike, kur një kamera sigurie në zonë tregon shpejtësinë me të cilën po lëvizte automjeti i drejtuar nga Nikoll Radaçi të dielën, më 3 maj, rreth orës 14:04, në lagjen nr. 15 në Durrës. Pak çaste më pas, ai dyshohet se ka humbur kontrollin e mjetit dhe ka përplasur tre fëmijë të mitur.

Si pasojë e aksidentit, dy prej të miturve humbën jetën, ndërsa një tjetër mbeti i plagosur rëndë. I mituri ndodhet ende në spital, ku po merr kujdes mjekësor dhe raportohet jashtë rrezikut për jetën.

Radaçi është arrestuar, ndërsa dyshohet se në momentin e ngjarjes drejtonte automjetin në gjendje të dehur. Ai njihej në zonë si person problematik, ndërsa sipas dëshmive të fqinjëve, shpesh kryente manovra të rrezikshme me automjet dhe konsumonte alkool.

Shpejtësia marramendëse me të cilën po udhëtonte shoferi i aksidentit tragjik në Durrës5 sekonda para aksidentit tragjik ne Durrës. Kjo është video që tregon shpejtësinë e lartë në zonë urbane me të cilën po udhëtonte shoferi i aksidentit që u mori jetën dy fëmijëve të mitur. pic.twitter.com/GCGqrzq1T6