Departamenti i Shtetit: SHBA-ja e respekton vendimin e Hagës për Thaçin — palët ta pranojnë vendimin

Një zëdhënës i Departamentit Amerikan të Shtetit deklaroi sot se Shtetet e Bashkuara e respektojnë vendimin e sotëm të Dhomave të Specializuara të Kosovës në Hagë për Hashim Thaçin, Kadri Veselin, Rexhep Selimin dhe Jakup Krasniqin, dhe u bëri thirrje të gjitha palëve që ta pranojnë vendimin e gjykatës.

Sipas deklaratës së Uashingtonit, SHBA-ja mbështet drejtësinë për të gjitha viktimat dhe familjet e tyre, ndërsa përsëriti mbështetjen për llogaridhënien, respektimin e procedurës së rregullt ligjore dhe sundimin e ligjit.

“U bëjmë thirrje të gjitha palëve ta respektojnë vendimin e gjykatës, të shmangin retorikën që nxit tensionet dhe të vazhdojnë të punojnë për një të ardhme paqësore dhe demokratike”, thuhet në deklaratën e Departamentit të Shtetit. Uashingtoni bëri gjithashtu thirrje për shmangien e retorikës nxitëse pas shpalljes së dënimit.

Sot Dhomat e Specializuara të Kosovës i shpallën fajtorë në shkallë të parë Thaçin, Veselin, Selimin dhe Krasniqin për krime lufte, përfshirë arrestime dhe privime të paligjshme ose arbitrare të lirisë, trajtim mizor, torturë dhe vrasje. Thaçi dhe Krasniqi u dënuan me nga 25 vjet burg, Veseli me 18 vjet, ndërsa Selimi me 13 vjet.

Burimi: Danas