Dita e 55-të e protestës, qytetarët marshojnë drejt Kryeministrisë
Protesta ka hyrë sot në ditën e saj të 55-të, duke vijuar grumbullimet e përditshme në Tiranë.
Qytetarët janë mbledhur në sheshin “Skënderbej”, nga ku kanë nisur xhiron drejt godinës së Kryeministrisë, ku do të mbahen fjalime dhe do të përsëriten kërkesat e tyre ndaj qeverisë dhe klasës politike.
Për 55 net radhazi, pjesëmarrësit janë mbledhur përpara Kryeministrisë dhe kanë zhvilluar marshime në rrugët e kryeqytetit. Gjatë protestave janë dëgjuar thirrje dhe slogane politike kundër qeverisë, ndërsa organizatorët kanë deklaruar se mobilizimi do të vijojë edhe në vazhdim.
Edhe një ditë më parë, qytetarë të shumtë u mblodhën në sheshin “Skënderbej” dhe më pas marshuan drejt Kryeministrisë. Organizatorët dhe pjesëmarrësit shprehen se protesta do të vijojë deri në përmbushjen e kërkesave të tyre.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.