Dosja „Veliaj” ndahet në dy pjesë, pranohet gjykim i shkurtuar për tetë të pandehur

Gjykata Kundër Korrupsionit dhe Krimit të Organizuar ka vendosur të ndajë në dy pjesë dosjen „Veliaj”, duke pranuar kërkesën për gjykim të shkurtuar nga tetë të pandehur.

Në mesin e të pandehurve që do të gjykohen me këtë procedurë janë biznesmenët Elman Abule, Fatmir Bektashi, dhe ish-deputetja socialiste Klotilda Bushka. Emrat e tjerë përfshijnë Ina Goxhaj, Frosina Bollo, Adela Kondakçiu, Flutur Xhani dhe Fatjon Baçi.

Pas këtij vendimi, dosja për Veliajn do të rivlerësohet dhe rihidhet në short për procedurat e mëtejshme.

Seanca për të pandehurit që do të gjykohen me gjykim të shkurtuar është caktuar për më 20 maj, kur priten edhe konkluzionet nga Prokuroria e Posaçme.