“Duhet të shihni e të mësoni nga dashuria e Shqipërisë për BE”, Marta Kos e puth “live”

Kryeministri Edi Rama e nisi me batuta fjalën e tij në Konferencën Ndërqeveritare, duke iu drejtuar në greqisht zëvendësministres për Çështjet Europiane të Qipros, Marilena Raouna, ndërsa Komisioneres për Zgjerimin, Marta Kos, i foli në një variant që e cilësoi “jo saktësisht slloven”.

Batutat shkaktuan të qeshura në sallë, ndërsa në fund Rama mori edhe një puthje nga Marta Kos.

“E dashur Marilena, agapi mou! Faleminderit shumë, e dashur Marta! Nuk më do mua? Po mendoja të thosha ‘Yubim te’, nuk është saktësisht varianti slloven, por edhe mund të jetë. Duhet të shihni e të mësoni nga dashuria e Shqipërisë për BE, dashuria e pashtershme, pa kushte, dashuri që sjell vuajtje ndonjëherë, por ja ku jemi, dhe sigurisht jemi shumë të lumtur”, u shpreh Rama.