E rëndë në Australi, 38-vjeçari sulmohet nga peshkaqeni! Humb jetën në vendngjarje

Një burrë 38-vjeçar është sulmuar nga një peshkaqen i bardhë i madh 4 metra i gjatë në Australinë Perëndimore.

Të shtunën, burri u kafshua pak para orës 10:00 sipas orës lokale në Horseshoe Reef, në veriperëndim të ishullit të njohur Rottnest pranë qytetit të Perthit, tha policia lokale.

Pamjet ajrore treguan burrin që po shkonte në breg me varkë, ku paramedikët dhe policia kryenin CPR në skelën e Geordie Bay, raportoi media lokale ABC.

“Fatkeqësisht, burri nuk mundi të mbijetoj”, tha një zëdhënës i policisë.

Departamenti i Industrive Parësore dhe Zhvillimit Rajonal i shtetit i tha agjencisë së lajmeve AFP se mori një raport se burri ishte kafshuar nga një peshkaqen i bardhë i madh.

Departamenti i bëri thirrje publikut të tregojë “kujdes shtesë” në ujërat përreth zonës.

Sulmi është incidenti i parë fatal në Australinë Perëndimore që nga marsi i vitit të kaluar, kur një burr tjetër u sulmua nga një plazh i largët.

Që nga fillimi i mbajtjes së të dhënave në vitin 1791, në Australi janë regjistruar pothuajse 1,300 sulme nga peshkaqenë, me më shumë se 260 prej tyre që kanë rezultuar me vdekje.

Më herët këtë vit, në janar, u raportuan katër sulme nga peshkaqenë përgjatë bregdetit të Uellsit të Ri Jugor gjatë dy ditëve.

Një nga viktimat ishte edhe 12-vjeçari Nico Antic, i cili u hodh nga një shkëmb në Portin e Sidneit dhe u sulmua nga një peshkaqen i dyshuar si dem.

Ai vdiq një javë më vonë, me prindërit e tij që thanë në një deklaratë të përbashkët se ishin “zemërthyer”.