EMRI/ I riu i jep fund jetës duke pirë helm, hetime për shkaqet! Familjarët e gjetën në gjendje të rëndë, por vdiq pas

Një ngjarje e rëndë ka ndodhur dje në Berat, kur një 38-vjeçar i ka dhënë fund jetës në shkaqe e rrethana që po hetohen nga Policia.

Viktima është banues në lagjen “Barrikadë”, i cili dyshohet se në kushte të rënduari depresioni, ka pirë në banesën e tij një sasi të konsiderueshme helmesh.

Ai u gjet në gjendje të rënduar nga familjarët dhe u transportua me ambulancë drejt Spitalit Rajonal Berat.

Mjekët e këtij spitali kanë bërë të pamundurën për t’i shpëtuar jetën por pas dy orësh ai ndërroi jetë.

Pas kryerjes së autopsisë mjeko-ligjore, ka rezultuar se viktima Ilir Telhaj kishte pirë fostoksinë. Burimet zyrtare të policisë konfirmojnë se grupi hetimor po punon për zbardhjen e plotë të ngjarjes, ndërkohë që konfirmohet se në trupin e viktimës nuk ka pasur shenja dhune.