“Fasoni” i peshkut, rrit 62 për qind eksportin jashtë vendit

Eksportet e peshkut dhe të molusqeve kanë parë një rritje të fortë vitin e fundit, duke arritur në 2.7 miliardë lekë më 2015 ose 62 për qind me shume në krahasim me një vit më parë.

Ekspertët nga Ministria e Bujqësisë kanë shpjeguar se rritja është nxitur nga zgjerimi i industrisë përpunuese të peshkut dhe stimulimi që i ka dhënë sektorit heqja e akcizës së naftës. Sasi te mëdha te peshkut importohen në Shqipëri dhe më pas rieksportohen për tregjet e BE sidomos drejt italisë. importet e peshkut ishin 4,9 miliardë lekë gjatë 2015, vlerë kjo 44 % më shumë se eksportet.

Rritja e eksporteve ka vijuar edhe më 2016. Në dy muajt e parë janë eksportuar 570 milionë lekë peshk dhe prodhime të tjera të detit. Nëse eksportet vijojnë më këto ritme edhe muajt e tjerë të vitit, atëherë gjasat janë që ato të sjellin vlera monetare në rritje për ekonominë vendase. Rreth 70 për qind e sasisë eksportohet në itali.

Si një vend bregdetar Shqipëria ka ende kapacitete të pashfrytëzuara në sektorin e peshkimit. industria si edhe sektorë të tjerë të bujqësisë po vuan zhvillimin e dobët të mekanizimit.

Flota shqiptare e peshkimit është e përqendruar në disa peshkarexha të vogla të cilat operojnë me kosto të larta pa mundur ta bëjnë industrinë e gjuetisë së peshkut konkurruese me vendet e tjera mesdhetare.

Shoqata e Peshkatarëve i ka kërkuar Ministrisë së Bujqësisë uljen e barrës fiskale dhe ndërtimin e kantiereve për riparimin e anijeve të peshkimit.