Faton Ademi po përjeton një ngritje të shpejtë në futbollin gjerman dhe tashmë është në qendër të vëmendjes së klubeve nga nivelet më të larta të futbollit gjerman.

Mesfushori 20-vjeçar, i cili aktualisht luan për Alemannia Aachen në BundesLiga 3, është në fokusin e disa skuadrave. Sipas raportimeve të bazuara në informacionet e “Sky”, Greuther Fürth është në bisedime të avancuara për transferimin e tij, por në garë është futur edhe skuadra e Bundesligës 1, Elversberg.

Ademi, i cili është paraqitur me Kombëtaren U21 të Kosovës është produkt i futbollit gjerman dhe aktualisht është pjesë e Alemannia Aachen, ku sezonin e kaluar pati një rol të rëndësishëm. Në 31 paraqitje në Bundesliga 3, ai realizoi gjashtë gola, duke treguar se është një prej talenteve më interesantë të skuadrës.

Edhe në fillimin e këtij sezoni, Ademi ka vazhduar të jetë titullar dhe ka shënuar një gol në dy paraqitjet e para të kampionatit.

Karriera e Ademit po merr kështu një tjetër drejtim interesant. Nga Liga e tretë gjermane, ai tani mund të bëjë hapin e madh drejt Bundesligës.