Forcat e armatosura të Jemenit: Kemi zmbrapsur një sulm nga Huthit në Mocha

Forcat e armatosura të qeverisë së Jemenit thanë se parandaluan një sulm terrorist të nga milicia Huthi, disa orë pasi grupi militant i mbështetur nga Irani pretendoi se kreu një sulm ndaj forcave saudite në qytetin jemenas të Mocha-s.

Forcat ajrore kanë kapur një anije droni të mbushur me eksploziv që kishte në shënjestër portin tregtar të Mochas, në Detin e Kuq.

Huthit më parë pretenduan se përdorën një numër të madh raketash balistike dhe dronësh në sulmin e tyre ndaj Mocha.

Forcat qeveritare thanë gjithashtu se Houthi-t nisën një bombardim intensiv dhe pa dallim me raketa të zonave të banuara me popullsi të dendur në Mocha dhe se disa raketa ranë në afërsi të një ndërtese që i përkiste një kanali televiziv lokal dhe pranë një ndërtese të Autoritetit të Imigracionit dhe Pasaportave.

Nuk është e qartë nëse të dyja palët po i referoheshin të njëjtit sulm apo nëse pati dy përpjekje të ndara për sulme në Mocha.