Forumi Shqipëri-Serbi, Meta: Shqipëria hoqi vizat me Serbin, ndërsa Serbia ende jo

Është hapur sot zyrtarisht forumi Shqipëri – Serbi që po mbahet në qytetin bregdetarë të Durrësit.

Objektivat e këtij forumi janë rritja e komunikimit, njohurive dhe ndërveprimit ndërmjet aktorëve të të dy vendeve, Shqipërisë dhe Serbisë, të cilët kanë influencë në politikë, politikëbërjen ekonomike, media, arte, kulturë, aktivizim rinor, etj.

Në hapjen e këtij forumi ka folur dhe kryetari i kuvendit të Shqipërisë, Ilir Meta duke e cilësuar këtë si një faqe të re të marrëdhënieve mes dy vende.

“U bënë 16 vite që nuk jemi aty ku duhet në marrëdhëniet mes Shqipërisë dhe Serbisë. Vetëm duke bashkëpunuar mund të krijojmë një mjedis ndryshe. Shqipëria i hoqi vizat me Serbin, kurse Serbia me Shqipërinë ende jo” tha Meta

Nga ky aktivitet u tha se “Forumi” Shqipëri- Kosovë është drejt një të ardhme në Bashkimin Europian.

I pranishëm në hapjen e këtij forumi ishte edhe ambasadori gjerman Helmut Hoffman i cili tha se BE ka interes për stabilizimin e rajonit.

Ai ka folur dhe për reformën në drejtësi duke theksuar se miratimi saj është me rëndësi për negociatat për integrimin në BE.