FRANCË – Tre viktima pas zjarreve të fuqishme

PARIS, 12 gusht /ATSH-DPA/ – Shërbimet e emergjencës kanë gjetur tre trupa pas një zjarri në Francën perëndimore.

”Trupat u zbuluan pranë një shtëpie të djegur”, tha sot një zëdhënës i forcës policore të Xhandarmërisë.

Zëdhënësi fillimisht nuk ishte në gjendje të thoshte nëse ata kishin vdekur në zjarr apo ishin tashmë të vdekur para se të fillonte.

Zjarri shpërtheu të martën pasdite pranë Lhoumois, një fshat i vogël në juglindje të Nantes.

Xhandarmëria tha se tre zjarre shpërthyen në fushë pothuajse në të njëjtën kohë. Shkaku i saktë i zjarrit është ende nën hetim.

Jean Pillot, kryetari i bashkisë lokale, i tha BFMTV se ende nuk ishte e mundur të thuhej nëse zjarri mund të ishte ndezur qëllimisht.

Megjithatë, ai tha se e gjeti të dyshimtë ndodhjen e tre zjarreve të ndara.

Ai shtoi se të vdekurit ishin një grua, djali i saj i rritur dhe partneri i saj. Familja kishte jetuar në shtëpi për disa vite./ a.jor.