Garda Revolucionare e Irani pretendon se ka kapur një dron nënujor amerikan në Ngushticën e Hormuzit

Garda Revolucionare e Iranit pretendoi sot se kishte sekuestruar një dron nënujor amerikan në Ngushticën e Hormuzit.Garda “kapi në agim një nga dronët më modernë nënujorë të ushtrisë amerikane në hyrje të Ngushticës së Hormuzit (…)”, sipas një deklarate nga ushtria ideologjike e Iranit, të transmetuar në televizionin shtetëror.

“Imazhet e nëndetëses do të transmetohen në orët në vijim”, shtoi deklarata.Sipas mediave iraniane, kjo nëndetëse përdoret për misione të “zbulimit dhe monitorimit të shtratit të detit, inspektimit të kabllove dhe tubacioneve nënujore, hartëzimit të shtratit të detit dhe zbulimit të minave”.