Gjadri ka përfunduar në kamp për strehimin e qenve, Meloni ja shet Evropës si histori suksesi!

Plani i kryeministres italiane Georgia Meloni dhe homologut të saj shqiptar Edi Rama për pritjen e emigrantëve në dy kampet Gjadër dhe Shëngjin dështoi. Hapja e dy qendrave të pritjes do të sillte plot 3 mijë emigrantë të kapur në ujërat italiane dhe do të shqyrtonin kërkesat e tyre për azil përtej kufijve të Italisë, të monitoruara nga oficerët e policisë italiane.

Ndërkohë, kampi i emigrantëve në Gjadër është bosh, e cila kushtoi 1 mld euro por u kthye në një strehë për qentë. Vetëm 24 azilkërkues erdhën në Shqipëri. Pesë kaluan më pak se 12 orë në një qendër paraburgimi, ndërsa pjesa tjetër qëndroi për pak më shumë se 48 orë. Si përfundim, të gjithë u kthyen në Itali pas vendimit të Gjykatës së Romës cila kërkoi kthimin e të gjithë emigrantëve në vendin e tyre.

Në nëntor rreth 50 oficerë, së bashku me dhjetëra punonjës socialë, u kthyen në Itali, kur doli në dritë se objektet ishin bosh.

Ndërsa kryeministrja italiane e ka shitur paktin për emigrantët si model europian dhe histori suksese, e cila në një intervistë për “Corriere” tha se kjo marrëveshje është zgjidhje shumë e mirë novatore. Ajo shton se kjo shërben si leksion për Europën edhe më gjerë.

E pyetur nëse përplasja me gjyqtarët, lidhur me kundërshtimin e këtij pakti sjell përfitime për qeverinë italiane, ajo u përgjigj duke thënë se ky pakt duhet të jetë një model për Europën dhe përtej saj, ndërkohë që të dyja kampet e pritet së emigrantëve janë bosh.

“Ekzekutivi ka bërë zgjedhje të qarta për të menaxhuar emigracionin dhe protokolli me Shqipërinë është një prej tyre. Është një zgjidhje shumë inovative, që po bëhet model në Evropë dhe përtej saj, sepse është e qartë për të gjithë se mund t’i japë një goditje vdekjeprurëse organizatave kriminale që përfitojnë nga migrantët për të rritur fitimet e tyre”, tha Meloni për “Corriere”.