Gjykata e Budvës zgjidhi 97% të çështjeve më të vjetra se tre vjet brenda nëntë muajve

BUDVË, 4 tetor – Gjykata për Kundërvajtje në Budvë ka arritur përparim të ndjeshëm në zgjidhjen e çështjeve të vjetra, siç njofton televizioni publik malazez RTCG-ja. Për nëntë muaj u zgjidhën 97% e çështjeve të ekzekutimit të sanksioneve kundërvajtëse më të vjetra se tre vjet.

Gjykata vijon zbatimin efikas të masave të urdhëruara nga kryetarja e Gjykatës së Lartë të Malit të Zi, përmes një programi unik për zgjidhjen e çështjeve të vjetra, që synon uljen e numrit të tyre dhe rritjen e azhurnitetit, raporton RTCG-ja. Kjo është pjesë e planit të punës së gjykatës për vitin 2026.

Më 1 janar 2026 ishin 65 çështje të pazgjidhura më të vjetra se tre vjet (çështje IPS të formuara gjatë vitit 2022); në periudhën 1 janar – 30 shtator 2026 u zgjidhën 63 prej tyre, pra 96,92%. Vetëm një çështje e re e kaloi kufirin trevjeçar.

Rezultatet konfirmojnë përkushtimin për forcimin e sundimit të ligjit dhe ekzekutimin në kohë të sanksioneve, duke e ulur në minimum rrezikun e parashkrimit dhe duke rritur ndjeshëm efikasitetin e gjyqësorit, theksohet në njoftim.