Gjykata e Lartë lë në qeli Ilir Metën, rrëzohet rekursi i radhës për masën e sigurisë

Gjykata e Lartë ka marrë vendimin këtë të enjte dhe ka lënë në qeli presidentin e PL-së, Ilir Meta duke rrëzuar rekursin e radhës të tij i cili kërkonte

Gjykata e Lartë ka marrë vendimin këtë të enjte dhe ka lënë në qeli presidentin e PL-së, Ilir Meta duke rrëzuar rekursin e radhës të tij i cili kërkonte zëvëndësimin e masës së sigurisë. Gjykata e Lartë lidhur me masën e sigurisë ka vendosur të rikthejë çështjen për rigjykim në Apelin e GJKKO.

Ilir Meta u arrestua më 21 tetor të vitit 2024. Meta dhe deputetja, Monika Kryemadhi dyshohen se në bashkëpunim dhe me funksionarë të tjerë shtetërorë kanë shfrytëzuar postet e tyre shtetërore e politike.

Sipas akuzave dyshohet se ata kanë favorizuar kompani private si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t’i fshehin.

Meta akuzohet për veprat penale “korrupsion pasiv”, “pastrim parash” dhe “fshehje të pasurisë”. SPAK ka mbyllur hetimet më 28 korrik, ndërsa dosjen e kaloi për gjykim në fund të gushtit.