Gola të rrallë për futbollin shqiptar, Kukësi jep leksion në Kategorinë e Parë

Futbolli shqiptar në këto vite shpesh ka vuajtur mungesën e cilësisë, apo më saktësisht të organizimit të ideve ashtu siç e kërkon loja moderne. E thënë më qartë, gjërat shpesh janë rastësore dhe jo të mirëmenduara.

Por goli i shënuar nga Kukësi në ndeshjen ndaj Sopotit, tregon se me punë, edhe fytyra e futbollit tonë mund të ndryshojë.

Goli i dytë i shënuar nga verilindorët në ndeshjen e fundjavës është një manual i mirëfilltë futbolli, me 16 pasime deri në finalizimin e tij dhe me shumë lëvizje në gjysmëfushën kundërshtare deri në krijimin e rastit që çoi drejt portës Bespall