Greqi, Samaras jep dorëheqjen nga drejtimi i partisë pas rezultatit të referendumit

Greqia votoi në referendumin e të dielës kundër reformave të propozuara nga europianët, ku mbi 60 përqind e grekëve votuan “JO”. Ky rezultat u shoqërua menjëherë me dorëheqjen e Samaras nga posti që mbante si kryetar i partisë Demokracia e Re. Ish-kryeministri Antonis Samaras ka pranuar humbjen e kahut te tij qe mbështesnin “PO”-në dhe ka dhënë menjëherë dorëheqjen si kryetar i partisë që drejtonte. Përkohësisht , deri në zgjedhjen e kryetarit të ri, në këtë post do të qëndrojë Vangelis Meimarakis.