Guardiola i bën dalje, Kovacic drejt rikthimit në Serie A. Në garë dy klube, kushton 15 milionë euro

Mateo Kovacic ka luajtur një rol dytësor këtë sezon dhe nuk bën pjesë në planet e Pep Guardiolës për sezonin e ri. Duke qenë se kroati është në kontratë deri në vitin 2027, ai do të largohet që këtë verë, pasi te City nuk duan ta humbin si lojtar të lirë, një vit më pas.

Sipas Sports Boom, destinacioni i ri i Kovacic pritet të jetë Serie A, aty ku ka qenë pjesë e Interit për dy sezone, para se të transferohej te Real Madrid në vitin 2015.

Milan dhe ish ekipi i tij, Inter, kanë shprehur interes për mesfushorin kroat. Man. City e vlerëson 15 milionë euro. Për 32-vjeçarin ka interes edhe nga Turqia dhe Arabia Saudite, por rikthimi në Serie A duket si destinacioni më i mundshëm në këtë moment të karrierës së tij.