Hetimi për helikopterin, prokuroria merr në pyetje ushtarakët e bazës ajrore në Farkë

Kkrahas komandantit të Bazës Kuto Hasani, grupi hetimor ka administruar në dosje edhe dëshmit e shefit të shtabit të bazës ajrore, shefin e sigurisë së bazës, përgjegjësin e teknikës në Farkë, si dhe inxhinierët e teknikët e regjimentit të helikopterëve. Burimet thonë se veç dëshmisë së tyre, ushtarakët i kanë vënë në dispozicion të akuzës urdhërat për zhvillimin e fluturimeve stërvitore, planet e fluturimit për datën 6 prill dhe itinerarin e ndjekur, librin e pregaditjes për fluturimin e helikopterëve EC 145” dhe librin e përgaditjes bazë, të cilat në përputhje me procedurat ligjore janë të sekretuara nga rreshterja Sofije Ramçaj, e cila nuk është marr në pyetje pasi ka dal në rezervë disa muaj para rrëzimit të helikopterëve.

Hetuesit kanë sekuestruar edhe librin e shërbimit të kontrollit të trafikut ajrore, librin e helikopterëve, bllokun e shënmeve të planit të punës së teknikut të bordit të helikopterit EC 145” si dhe librin e shërbimit të radio-rrjetit të brendshëm të helikopterëve për komunikimin mes pilotëve dhe operatorin e kontrollit në Farkë.

Mësohet se ushtarakët e pyetur, kanë shpejguar se procedurat e ndjekura që nga përgatitja, nisja e helikopterit dhe komunikimi i fundit i pilotëve është bërë në përputhje me bvazën ligjore. Ndërsa nxhinierët dhe mekanikët e regjimentit të helikopterëve kanë sqaruar se helikopteret gjithmon kontrollohen para fluturimit dhe pas për ndonjë defect të mundshëm teknik, duke provuar funksionimin e të gjithë panelit instrumental që ka helikopteri. Burimet thonë se krahas këtyre veprimeve hetimore, prokuroria është në pritje edhe të përgjigjies së laboratorit të Inspektoriatit Qendror Teknike të cilëve i është dërguar për ekspertizë karburanti që kishte në serbator helikopteri i rrëzuar që njihet ndryshe si “JET A1”. Kjo për të parë cilësinë e karburantit që helikopterët kishin në përdorim.

Nga ana tjetër, kartat e memories ashtu edhe siç duken në këtë foto janë të dëmtuara por që ekspertët e kompanisë së prodhimit të helikopterëve janë zotuar se pamjet dhe zëri i regjistruar mund të rikuperohet. Për këtë fakt, është ngritur një komision i drejtuar nga prokuror të çështjes, që do të shkojnë pranë kompanisë së prodhimit të helikopterëve për të asistuar në momentin e hapjes së këtyre pamjeve.