☁️
Tiranë 18°C · Vranët 17 Nëntor 2026
S&P 500 7,417 ▼1.92%
DOW 51,608 ▼1.41%
NASDAQ 24,510 ▼2.49%
NAFTA 86.21 ▲0.57%
ARI 3,865 ▲0.32%
💱 VALUTAT
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
₿ CRYPTO
BTC $64,911 ▲ +1.4% ETH $1,818 ▲ +1.34% XRP $0.9695 ▲ +2.23% SOL $73.2700 ▲ +3.49%
S&P 500 7,417 ▼1.92 % DOW 51,608 ▼1.41 % NASDAQ 24,510 ▼2.49 % NAFTA 86.21 ▲0.57 % ARI 3,865 ▲0.32 % S&P 500 7,417 ▼1.92 % DOW 51,608 ▼1.41 % NASDAQ 24,510 ▼2.49 % NAFTA 86.21 ▲0.57 % ARI 3,865 ▲0.32 %
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
17 Nën 2026
Breaking
Kronika

Homazhe në Fier për Shefin e Krimeve në Vlorë, Ermal Lulaj, flet Hita: Humbëm kolegun dhe vëllain tonë!

Ceremoni nderimi dhe homazhe janë zhvilluar në ambientet e Drejtorisë Vendore të Policisë Fier për efektivin Ermal Lulaj, shefin e Krimeve në Vlorë, i cili humbi jetën mbrëmjen e kaluar në një aksident tragjik në autostradën Fier-Vlorë, pranë Novoselës.

Automjeti tip “Toyota”, me të cilin udhëtonte efektivi, u përplas me një skrep që ndodhej në lëvizje. Si pasojë e aksidentit, Lulaj humbi jetën.

Homazhet në nderim të tij u zhvilluan nga ora 11:00 deri në 12:00, ku të pranishëm ishin familjarë, të afërm, kolegë dhe drejtues të policive. Në ceremoni mori pjesë edhe Drejtori i Përgjithshëm i Policisë së Shtetit, Skënder Hita. Në një prononcim për mediat, Hita e cilësoi humbjen e efektivit si një ditë të dhimbshme për familjen, kolegët dhe gjithë strukturat e Policisë së Shtetit.

“Është një ditë shumë e dhimbshme për ne, për familjen e Ermalit, për të gjithë kolegët, miqtë dhe ata që e kanë njohur. Unë Ermalin e kam njohur që prej fillimeve të karrierës së tij, pasi kemi punuar këtu në Fier. Ndjej keqardhje të madhe për mënyrën se si iku kaq shpejt nga jeta.

Na u largua babai i tre fëmijëve, biri i një familjeje shumë të mirë, na u largua kolegu dhe vëllai”, u shpreh Hita.

Ai garantoi se familja e efektivit të ndjerë, veçanërisht tre fëmijët e tij, do të kenë mbështetjen e vazhdueshme të Policisë së Shtetit.

“Fëmijët e tij do të kenë mbështetjen tonë, do të jenë mes nesh për çdo nevojë apo kujdesje. Familjen e madhe të Policisë së Shtetit do ta kenë pranë”, deklaroi drejtori i Përgjithshëm.

Ermal Lulaj kishte një karrierë të gjatë në radhët e Policisë së Shtetit, ku kishte mbajtur disa detyra drejtuese në qarqe të ndryshme. Ai kishte shërbyer edhe si shef i Antidrogës, ndërsa së fundmi mbante detyrën e shefit të Krimeve në Vlorë.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.