Hysaj përpara ndeshjes së 100-të me Shqipërinë: Me Izraelin gabuam para porte, Luksenburgun nuk e falim!

Miqësorja e fundit e Shqipërisë për këtë sezon futbollistik do të jetë ajo me Luksenburgun. Për këtë takim në konferencën e zakonshme për shtyp u paraqit Hysaj, i cili numëron plot 99 takime me ngjyrat kuqezi.

“Shpresoj të luaj, e di trajneri. Krenari dhe ëndërr të luaj numrin 100 e prezencave. Do jetë nder dhe krenari e madhe”, tha Hysaj.

I pyëtur mbi trajnerin e ri, ish-mbrojtësi i Lazio-s, pranoi se i duhet ende kohë për t’u ambientuar. “Ambientimi është shumë mirë, trajneri ka pak kohë që ka ardhur. Trajneri na jep energji të mirë. Ai na jep idenë e një loje më agresive. Ndeshja e kaluar shkoi keq. Personalisht mendoj se bëmë ndeshjen të mirë. Nuk i shfrytëzuam rastet. Të analizojmë dhe gjërat negative. Dua që ta shoh stadiumin plotë me ngjyrat kuqezi. Na ndihmon edhe neve lojtarëve edhe kombit tonë”, tha Hysaj.

Miqësorja e humbur me Izraelin dhuroi një statistikë negative. Shqipëria mbylli ndeshjen pa asnjë goditje në portë. “Kishim shumë raste për të shënuar, por jo saktësia para portës. Duhet të jemi pozitiv. Me ndihëm e këtj trajneri do kemi shumë raste. Duhet të çlirohemi. Broja, Mehmeti apo Daku, do e kenë mbështetjen tonë për të shënuar”, analizoi Hysaj.