Ina Zhupa: 4.2 mln euro për koncertin e Kanye West, akti normativ antikushtetues

Deputetja e Partisë Demokratike, Ina Zhupa, në një dalje për mediet këtë të mërkurë, u shpreh se vendimi i qeverisë për të përdorur 4.2 milionë euro nga fondi rezervë i emergjencave për financimin e koncertit të Kanye West është antikushtetues.

Sipas Zhupës, koncerti ishte prezantuar si një investim privat dhe si i tillë, duhej të financohej nga organizatorët përmes shitjes së biletave, sponsorëve dhe investimeve të tyre. Deputetja demokrate tha se kjo nuk është thjesht një zgjedhje e gabuar politike dhe një shpërdorim i parave të buxhetit.