Incidente në Hagë pas shpalljes së vendimit ndaj Hashim Thaçit: të mbledhurit hipën mbi automjetet e policisë

Trazira shpërthyen përpara ndërtesës së Dhomave të Specializuara në Hagë, menjëherë pas shpalljes së vendimit ndaj ish-krerëve të Ushtrisë Çlirimtare të Kosovës. Një grup shqiptarësh ishte mbledhur pranë gjykatës për të ndjekur drejtpërdrejt shpalljen e vendimit.

Sipas pamjeve të publikuara në rrjetet sociale, disa prej të mbledhurve u ngjitën mbi automjetet e policisë dhe i goditën ato. Policia ndërhyri për të shpërndarë turmën, duke përdorur topa uji, ndërsa pas disa çastesh tensioni situata u qetësua.

Dhomat e Specializuara të Kosovës në Hagë i dënuan në shkallë të parë Hashim Thaçin dhe Jakup Krasniqin me nga 25 vjet burg, Kadri Veselin me 18 vjet dhe Rexhep Selimin me 13 vjet, për krime lufte dhe krime kundër njerëzimit të kryera në vitet 1998-1999. Në dënime do të llogaritet koha e kaluar në paraburgim.

Burimi: Nova.rs