Irlanda, trajneri Hallgrímsson i drejtohet UEFA-s: Kurrë më ndeshje me Izraelin

“Padyshim që ka një mbështetje të fortë për Palestinën në Irlandë. Nuk ka shumë vende që e mbështesin Palestinën aq sa e mbështet Irlanda. Do të doja që asnjë ekip kombëtar të mos përjetonte atë që kemi përjetuar këto dy javët e fundit, ndoshta UEFA duhet të ndërhyjë dhe të bëjë diçka”.

Trajneri i Irlandës, Heimir Hallgrímsson, i ka bërë thirrje UEFA-s që të parandalojë që Irlanda dhe Izraeli të luajnë kundër njëri-tjetrit në garat e ardhshme, në dritën e ndeshjeve të tyre kontraverse të Ligës së Kombeve. Të dy ekipet barazuan 1-1 në ndeshjen në shtëpi të Irlandës të dielën në Backa Topola, Serbi, një javë pas fitores 3-0 të Irlandës në ndeshjen në shtëpi të Izraelit në Debrecen, Hungari.

Pas ndeshjeve, Hallgrímsson i tha transmetuesit kombëtar irlandez RTÉ se ai beson se UEFA duhet t’i parandalojë të dy ekipet të luajnë kundër njëri-tjetrit në të ardhmen. “Pati shumë incidente që mund të kishin përshkallëzuar”, tha Hallgrímsson.

“Ne ishim mjaft të zgjuar për ta ndaluar situatën para se të shkonte më tej. Pata përshtypjen se qëllimi ishte të na frikësonin dhe të na shtynin të bënim ndonjë budallallëk”, shtoi ai, duke iu referuar sjelljes së lojtarëve dhe shtypit izraelit.

Ende nuk ka komente. Bëhuni i pari që komenton.