Jennifer Lawrence konfirmon rikthimin në “The Hunger Games”

Jennifer Lawrence do të rikthehet në universin e “The Hunger Games”, duke emocionuar fansat e sagës së famshme.

Aktorja konfirmoi lajmin gjatë një interviste në podcastin “Call Her Daddy”, të publikuar të mërkurën, më 28 tetor, ndërsa në të njëjtën ditë nuk ishte e pranishme në premierën londineze të filmit të ri “Sunrise on the Reaping”.

Lawrence foli me entuziazëm për rikthimin e saj dhe ribashkimin me disa prej kolegëve me të cilët kishte punuar në filmat e mëparshëm, mes tyre Josh Hutcherson dhe Woody Harrelson.

“ ishte e pabesueshme”, u shpreh aktorja, duke treguar se përvoja ishte veçanërisht emocionuese, pasi në xhirime u rikthyen edhe shumë anëtarë të ekipit origjinal, përfshirë pjesëtarë të stafit të kamerave.

Rikthimi i Lawrence si Katniss Everdeen ishte një dëshirë që aktorja e kishte shprehur edhe më parë. Në një intervistë të vitit 2023 për “Variety”, ajo kishte deklaruar se do të ishte plotësisht e gatshme ta interpretonte sërish personazhin ikonik, nëse do t’i jepej mundësia.