Johnson nga Kuvendi i Kosovës: Jam i kënaqur që Britania e mbështet Kosovën
Ministri i Jashtëm i Britanisë së Madhe, Boris Johnson, ka thënë se Britania do të vazhdojë ta përkrahë shtetin e Kosovës. Ai në seancën plenare e cila po mbahet në Kuvendin e Kosovës, tha se Kosova mund të jetë shembull për të mirë për shtetet e tjera.
“Mendoj që Kosova mund të jetë një shembull i fuqishëm për vendet e tjera. Jam i kënaqur që Britania ishte ndër vendet e para që e ka njohur Kosovën. Ne ishim dhe jemi aleatë të Kosovës”, ka deklaruar ai.
Ai më pas ka thënë se e kujton kohën kur Kosova digjej nga lufta.
“Ishim shumë të gëzuar dhe mbaj mend që kam parë xhamitë dhe fshatrat duke u djegur nga forcat tërheqëse”, ka shtuar ai.
Johnosn më tej, ka theksuar se mban mend shprehjen në fytyrat e refugjatëve, që siç thotë ai, ishin kapluar nga frika.
Ndërkohë, Ministri i Punëve të Jashtme i Britanisë së Madhe, Boris Johnson, në fjalimin e tij në Kuvendin e Kosovës, ka ngushëlluar familjen e Astrit Deharit dhe ka kërkuar nga autoritetet e kosovare që të kryejnë hetim të pavarur për vdekjen e tij.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.