Kabul: Sulmuesit marrin peng televizionin dhe 100 punonjësit, sulme me granata dhe armë
Disa sulmues kanë sulmuar një stacion televiziv në kryeqytetin afgan të Kabulit, ndërkohë që shumë njerëz mendohen se janë vrarë.
Sulmuesit hodhën granata dhe gjuajtën me breshëri armësh, para se të hynin në selinë e “Shamshad TV”.
Një gazetar që arriti të shpëtojë i tha BBC-së se sulmuesit ishin ende në ndërtesë dhe po qëllonin gazetarët.
Më shumë se 100 punëtorë mendohen të jenë brenda ndërtesës. Nuk është e qartë se kush është pas sulmit, por talebanët kanë mohuar përfshirjen.
Numri i sulmuesve dhe i njerëzve të vrarë dhe të plagosur mbetet i paqartë, deklaroi policia afgane.
Një zëdhënës i shefit të policisë së Kabulit tha se një nga sulmuesit ishte vrarë nga forcat dfgane. Personeli i sigurisë po përpiqet të rifitojë kontrollin e ndërtesës.
“Disa nga kolegët e mi u vranë dhe u plagosën…nuk e di si arrita të arratisesha”, tha Hashmat Istankzai, një gazetar i televizionit.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.