Kapiten Meçollari analizon fjalën e kandidatit për ambasador në Shqipëri: Ja pse nuk e përmendi Qeverinë

Kapiteni i Rangut të Parë, Artur Meçollari i ftuar këtë të mërkurë në emisionin “Now” me Erla Mëhillin në Euronews Albania ka folur lidhur fjalën e kandidatit për ambasador në Shqipëri, Eric Wendt në Senatin Amerikan. Meçollari gjatë fjalës së tij u shpreh se Wendt është gjeneral në pension i cili ndryshon nga diplomatët e zakonshëm.

Për shkak të karrierës dhe eksperiencës, Meçollari theksoi se ai nuk do të jetë diplomat i zakonshëm. Sipas tij ai do të jetë një metodist në mënyrën e vlerësimit të situatës dhe më këmbëngulës në arritjen e objektivave.

Sa i përket pjesës ku ai nuk bëri deklarata ndaj qeverisë, Meçollari theksoi se ai nuk vendos barriera pa u caktuar ambasador. Sipas tij, ambasadori është përfaqësues i presidentit të Shteteve të Bashkuar që punon me qeverinë që është në pushtet.

“Shumë njerëz që mendojnë që pse nuk e atakoi qeverinë. Duhet të kuptojmë, në përkufizim ambasadori është përfaqësuesi i presidentit të Shteteve të Bashkuar që punon me qeverinë që është në pushtet.

Pra ai nuk mund të vendosi barriera me qeverinë pa ardhur ambassador sepse do të punojmë me qeverinë. Nga ajo që unë kuptova çështjen e SPAK-ut e trajtoj jashtëzakonisht mirë. Më pëlqeu mënyra si e trajtoi.

Kishte disa paqartësira ose kishte disa gjëra që nuk shkonin. Për shembull fakti që ai tha unë nuk kam dijeni për investimet e familjes Trump, domethënë kjo nuk shkon sepse në fakt çdo gjë që kërkon në web e gjen menjëherë, kjo ishte një mënyrë për të shmangur vazhdimin e pyetjes”, tha ai.