Kategoria e Parë, 8 lojtarë largohen nga Besëlidhja

Besëlidhja u rikthye në Kategorinë e Parë pas një kohe të gjatë dhe tashmë drejtuesit e klubit po punojnë që të ndërtojnë një skuadër sa më dinjitoze, që të synojnë ngjitjen në elitë.

Lorenc Trashi është afrimi i parë në merkato, por ndërkohë ditën e sotme klubit lezhjan njofton se ka mbyllur bashkëpunimin me 8 lojtarë si dhe me zëvendës trajnerin Alket Kruja.

“Klubi ndërpret bashkëpunimin me lojtarët Neziri, Beci, Biba, Danaj, Ramilli, Oduro,Bega,Alan Sander dhe zv.trajnerin Alket Kruja. Duke i falenderuar për kontributin me fanellën tonë si pjesë e suksesit në kurorëzimin kampion sezonin e sapo mbyllur dhe sa më shumë suksese në karrierën sportive në vijim”, shkruhet në njoftimin e klubit lezhjan.