Kryeministria vishet me ngjyrat e flamurit francez

Tri ngjyrat, blu e bardhë dhe e kuqe janë projektuar me anë të sistemit të ndriçimit në fasadën e godinës së Këshillit të Ministrave në Tiranë në shenjë solidarizimi me Francën pas aktit terrorist ku mbetën të vrarë me dhjetëra qytetarë.

Godina të ndryshme nëpër botë kanë bërë sot të njëjtën gjë. (shih videon)

Mësohet ndërkohë se kryeministri Rama ka komunikuar këtë të shtunë zyrtarisht me ministrat e kabinetit duke u kërkuar që të gjitha institucionet të rritin nivelin e sigurisë.

Rama ka kërkuar shtesë sigurie  në objektet e rëndësisë së veçantë, pikat kufitare, vijën kufitare, repartet ushtarake, portet, aeroportet, shkollat, spitalet, vendet e grumbullimit të njerëzve, centralet e energjisë elektrike, stacionet e furnizimit me ujë,  etj.

Zv.kryeministri Peleshi është ngarkuar për koordinimin mes institucioneve – sipas një njoftimi qeveritar. / Dita /