Kryeministrja serbe planifikon ta vizitojë Kosovën
Kryeministrja e Serbisë, Ana Bërnabiq ka deklaruar të martën se po planifikon që të realizojë një vizitë në Kosovë.
Në një intervistë për mediat serbe ku komentoi 100 ditët e para të punës së qeverisë që drejton, Bërnabiq nuk ka treguar ndonjë afat kohor se kur do ta vizitojë shtetin e Kosovës, transmeton lajmi.net
Kryeministrja serbe u shpreh se dialogu i brendshëm për Kosovën i iniciuar nga Vuçiq është tregues i politikës së përgjegjshme dhe të guximshme i Serbisë.
Ajo foli edhe për letrën që Serbia do ta dërgojë në Bruksel për krahasimet ndërmjet Katalonisë dhe Kosovës.
“Serbia ka hequr dorë nga dërgimi i letrës pas kërkesës së Madridit”, tha kryeministrja serbe.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.