LDK, AAK e Nisma gati për veprim si grup parlamentar
Liderët e tri partive të bllokut opozitar paszgjedhor, Isa Mustafa i LDK-së, Ramush haradinaj i AAK-së dhe Fatmir Limaj i Nismës për Kosovën, me bashkëpunëtorët u mblodhën edhe sot, në prag të konstituimit të Kuvendit në përbërjen e dalë nga zgjedhjet e 8 qershorit.
Pas takimit para medieve u prononcua vetëm Isa Mustafa, i subjektit më të madh të këtij koalicioni, LDK- së.
-Sot u takuam me zotin Haradinaj e Limajk dhe bashkëpunëtorët tanë dhe biseduam rreth përgatitje për seancën e pritshme të Kuvendit, dhe biseduam lidhur me qasjen tonë të përbashkët, koalicionit si grup parlamentar, rreth konstituimit të Kuvendit. Diskutuam marrëveshjet programore , te cilat e forcojnë bazamentin e qeverisjes sonë të përbashkët për periudhën katërvjeçare, por edhe për çështje të tjera, që kanë të bëjnë me veprimin tonë pas certifikimit të rezultateve për deputetë të Kuvendit.
Vendimi i ynë është që të jemi si grup parlamentar LDK, AAK dhe Nisma, ashtu siç jemi marrësesh, tha Isa Mustafa.
A keni të drejtë të jeni grup parlamentar, pasi ato formohen në bazë të rezultateve të certifikuara të KQZ – së, e pyetën z. Mustafa gazetarët, dhe ai pa mëdyshje u përgjigj:
“Kemi të drejtë dhe do të përbëjmë një grup parlamentar”, – tha ai.
Nesër pritet takimi i radhës i bllokut opozitar bashkë me Vetëvendosjen, në të cilën do të diskutohet për kushtet e shtruara nga kjo e fundit.
[yop_poll id=”2″]
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.